Zailtasunak eta tentsioak

Zailtasunak daudenean,

tentsioak agertzen dira.

Zailtasunak daudenean,

tentsioek ez dute laguntzen.

Tentsioak,

zailtasuna areagotzen du.

2016/IV/7

Etxean

Nahi eta ezin

Benetan?

Egiatan nahi izan al duzu?

Bestela nola ezin?

Ohartu al da inor?

2016/IV/6

Zentolen bidean

Gurutzearen Alaben pareko

autobus geltokian

Zuretzat

Maitasunak,

ez dizu inoiz

minik emango,

maitasun ezak, aldiz,

bai.

Baina, gehiegizko maitasunak

eta maitasun gutxiegik,

min eragin dezakete.

2016/IV/6

Gautxori aurrean

Udaberri lumaduna

Eguzkitsua, ederra, eguzkitan 18º tik dabil. Halere, ipar haize pixka bat dabilenez, askok lumaturik jarraitzen dute.

 

Halako gustua hartu al diete  plumifero, bufanda eta artilezko txanoei, udaberri betean negutuak joateko? Udan ere ikusiko al ditut?

Zer pentsatuko dute ni mauka motzean ikusten nautenean?

Eta pentsatzen al dute, nik hain estalirik ikusten ditudanean oldozten dudanaz?

2016/IV/6

Xenpelarren

Sintonia

Sintonia adierazpenak,

bide onean joatearen

adierazle dira.

2016/IV/6

Etxean 

Ikuspegiak

Batzuen iritziz, joan den mendean, gazte batzuek armen erasoari armez erantzuteko hartutako erabakiaren ondorioz, nola izan garan eta nola gauden kezka iturri bada; beste batzuen iritziz, erabaki hori hartu ez bazuten nola egon izan ginatekeen, eta nola egongo ginen da.

 

2016/IV/6

Hor nonbait 

Bertakoa izateaz harro?

Kaikuren iragarki berriaren leloa: "Bertakoa izateaz harro"

Eta hemengoa ez dena? Nola sentituko da?

Hemengoa izateaz harro egotea baino, ez al da hobe hemengoa izateaz ohartzea eta horretaz jabetzea? Gainera, hemengoa izateaz harro egoteak, ez du ziurtatzen hemengoa izateaz jabetu zarenik.

 

2016/IV/5

Etxean 

 

Txikia handi

Handitzeak txikitzen

gaitu,

txikitzeak,

handitzen.

2016/IV/5

Etxean

Ulermenaz

Edozer ulertu ondoren, ezinezkoa da ulertutakoari bizkarra ematea. Nola begiratu munduari zerbait ulertu eta ulertutakoa baztertuz? Nora begiratuko dugu bestela? 

 

Galdera hauek eta haien erantzunek, ulertutakoa mamitzen laguntzen digute, azkenik, ulertutakoaz jabetuz.

 2016/IV/5

Etxean

Ehiztari ehizatua

Udaltzainak Zumardian sartu dira autoz, haien gaueko zaintza erronda bat hasteko. Autoaren ezkerreko argia itzalita zutenaren oharkabean. Hurbildu naiz eta eskuaz alto eman diet. Gelditu direnean, leihatila ireki ea zer nahi nuen galdetu didatenean, argiaren arazoa aipatu diet. Haiek esan eta nik azpimarratu: "Ez da adibide egokia". Konpondu eta joan dira. Nork zaintzen du nor? Edo, ehiztari ehizatua. Kar, kar, kar!

2016/IV/4

Zumardian

23:30

Ahaleginak bat egiten gaitu

Guztiak ahalegin batean gabiltza, bakoitza bere ahaleginean eta guztiak ahalegin batean. Ahaleginean aurkitzen gara, ahaleginean besteak agertzen dira, besteen ahaleginak.

Guztiak ahaleginean, gutxi batzuk ohartuta eta ahaleginaren jabe, baina, bakoitza berean. Eta ahalegin guzti horiek, elkarrekin egiten dugun ahalegin bateratua agertzen digute. Bat guzti horiez osatutako bat handia.

2016/IV/4

Reynan

Gaur

 

 2016/IV/4

Oreretan

Aitzakiak eta ardurak

Aitzakiak utzi,

ardurak hartu.

2016/IV/4

Maitasuna eta beldurra

Maitasunaz,

ez naiz beldur.

Beldurraz,

ez naiz maitasun;

maitasun beharrean

baizik.

2016/IV/4

Donostiatik oinez oldoztua,

Zumardin idatzia

Mugikorrak intimitatean

Nonahi,edonor, edonola, bere barrua guztioi ematen, beraien intimitatea oparitzen. Mugikorrarekin guztion aurrean ergelkeriak egin eta grabatu, gero bideoak sareratu eta guztioi oparitzen. Beste joera bat, edonon, edonoren aurrean, ispilu argazkiak, edo haien hitzetan, selfie bat, ateratzen. Ondoren sareratu eta intimitatea oparitzen jarraitzeko.

Eta zer esan, haien elkarrizketa pertsonalenen edo arruntenen berri, nonahi eta edozein unetan, ematen dabiltzan horiez. Bost axola hor bazaude, bost axola entzuten duzun eta beste bost axola ez baduzu hor egon edo ez baduzu entzun nahi. Intimitatea opari, eta soilik azaleko begirada bat emanez. Guztiak itota, mugikorrak martxan.

2016/IV/5

Etxean

Lumak

Dagoeneko, apirilak, 4 ditu. Hego haizea, 18º inguru, baina oraindik, gehienak lumadun jakekin (plumiferoekin) dabiltza.

Hegaztiak lumatzeko bezala, ura irakiten beharko al dute luma horiek kentzeko?

2016/IV/4

Autobusean

Donostiarantz

hazi bila

Osatzen

2016/IV/4

Arkaitzan

Mugimendu faltsua

Guzia mugitzen dela dirudi, baina, horrela al da?

Autoak errepidean, eta motorrak ere, mugitzen dira, ibiltari batzuek, badabiltza ere. Txirrindulari bakan batzuek eta haurren batzuek badabiltza ere. Baita tabernari batzuek terrazak atontzen. Baina, orokorrean, norbanakoak eta taldeak geldirik ikusten ditut. Bide bazterrean, bide erdian, bidea oztopatzen, terrazetan eserita, tabernen kanpoaldean erretzen, tabernetan edaten, txakurraren kateari lotuta, erakusleihoei begira, marketinean harrapaturik … guztiak geldirik. Guztiak geldirik, eta mugikorrak martxan. Kaleko txoko ilunenean ere, mugikorrari lotuak, kaskoekin isolaturik.

 

Ez dut benetako mugimendurik ikusten. Noraeza nagusi.

 

Euria hasten duenean, ordea,guztiak, ura azidoa balitz bezala, ihesean, azkar batean mugitzen dira. Euriak, gauzak bere tokian uzten ditu.

 

 2016/IV/3

Zumardiko bankoan

Hego haize plastifikatua

Garai batean, gogoan dut, hego haizeak soilik hautsa, orbela eta horrelakoak garraiatzen zituen.

Egun, hego haizea den orotan, gure ingurua, gure jardueren ondorio diren hondakinez betetzen da. Hego haizeak, nagusiki, plastikoak, paperak, poltsak, latak, botilatxoak eta horrelakoak garraiatzen ditu.

 

Hau izango al da gure ekarpen nagusia, plastiko hondakinez eta erradioaktibitatez beteriko mundu huts hutsal bat?

2016/IV/3

Kalean, txokotxoan

 

 

Hegoak eta egoak

Hegoak ematen dituenak,

ezin du

hegaldiagatik haserretu,

hegaldia

gogoko ez badu ere.

Remik irakatsia

2016/IV/2

Etxean

 

Ez dakit

Ez dakit zer egiten

ari naizen,

soilik,

egin behar dudala

sentitzen dudan hori

egiten ahalegintzen

ari naiz.

2016/III/30

Etxean 

XXI. mendean

XXI mendean, hasiera honetan behintzat, itxura nagusi da. Guztia kanpora begirakoa da, besteok ikustekoa, guztiok besteoi begira, kanpora so; konponbidea beste inork, kanpotik ekarriko digulakoan itsuki sinetsita.

2015-2016ko negua, ezagutu dugun beroena izan omen da, eta bitxikeria gisa, plumiferoak, artilezko txanoak, bufanda erraldoiak… modan egonik, inoiz baino gehiago saldu dira. Kontraesan nabarmena, eta aurpegi gorritu gehiegi.

Dendak, tabernak, komertzioa orokorrean kanpora begira, kalea hartzen, espazioa okupatuz. Ez al da kezkatzekoa? Dirudienez… ez.

Guztiak kanpora begira, etorkizunari eskean, oraina ahazturik, iragana errepikatzen. Hainbeste urte horrela. Hitz gehiegi eta ekintza gutxi hauek eusteko, ekintza gehienak, hitzak hausteko erabiltzen baitira oraino. Ez al gara ohartu,oraindik, horrela ez genuela ezer lortu, ez garela ezer lortzen ari eta ez dugula inoiz ezer lortuko?

 

Guztiak kanpora begira, guztiak begira, gutxi batzuek zain, eta hauetako gehienak, denbora gehiegi zain egotera ohiturik, zain egotera kondenatuak. Horrela, nola edo noiz ohartuko gara konponbide osoa gure baitan eta gure esku dagoela, beti egon dela eta beti egongo dela?

XXI. mendean, pose gehiegi, itxura nagusi, orokortua. XXI. mendean oharkabetasuna nagusi, menperatzaileak nagusi. XXI.mendean, azal asko eta mami gutxi. Ardi galdu gehiegi, artalde izaera nagusi eta artzainik ez.

XXI. mendean, posea izatea erailtzen ahalegintzen ari da. Posea ez da poesia. Posea, oskol huts bat baino ez da, fosilizatutako jarrera errepikatu zatar bat. XXI. mendean, txikiak (ez naiz haurrez ari, noski) handi eta handiak txiki.

XXI. mendean, halere, eguzkia eta argia nagusituko dira. Beti, orain eta hemen.

2016/III/30
Etxean

Emakumeei opari eta gorazarre

Dagoeneko bi aldeen eredu guztiak errepikatzeraino gauzatu ditugu. Emartea izan bazen, gizartea, izateari uzteko bidean da, azkenetan.

Eredu berriak behar ditugu, emarteak, gizarteak, berea eman dute.Orain, bion artekoa tokatzen da, uztarketa. Hau da, ARTEA egiten hasi behar dugu. 

2016/III/30

Etxean

Arazoak eta laguntza

Edonork, erabaki baten edo erabaki askoren ondorioz, arazoetan sartzeko ez du inoren laguntzarik behar. Arazoetan sartzeko bera bakarra aski da.

Baina ondoren, arazo horietatik irteteko laguntza beharrean aurkitzen da, nahi eta nahi ez, behartuta.

Laguntza hori onartzen duenean,ordea, bide hori hasi zuen bezala egin dezakeela ikasiko du. Arazoetan bakarrik sartu eta bakarrik irten daitekeela ikasi, eta hau, bizikletan ibiltzea bezala, ez zaio inoiz ahaztuko. Urrats honekin, bere buruarekiko konfiantza berreskuratu edo indartu egingo du.

2016/III/30

Etxean

Abiadura gehiegi

Zertarako hainbeste abiadura?

Nork hautatzen du bide azkarrena,

ederrena hauta dezakeenean?

2016/III/29

Ibai ondoan (Gauez)

Mamitzen

Gauean lo egiten dugunean,

eguna mamitzen ari gara.

2016/III/29

Reynan (Gauez)

Neurri kontua da

Edozer gauza, materiadun edo materiagabe, nahiz eta osasunerako hoberena izan, neurriz kanpo erabiltzen edo egiten badugu toxiko bihurtzen da. Neurri kontua da.

Norberak jartzen du neurria, hobe esanda, norberaren gogoak, gorputzak eta osasunak bat egiten dutenean aurkitzen dugu. Orduan soilik agertzen baitzaigu neurri zehatz hori.

2016/III/29

Lezon (Gauez)

Bizitzaren aroak

Jaiotzen garen unetik beretik, gure buruaren ardura hartzen hasten garen garaiari, udaberria esango diogu.

Gure ardurak hartzen hasteko unearekin batera, uda hasten dugu. Garai hau luzeena izaki, eta gaztetasunean hasten dugunez, gaztetasunean egiten ditugun gauzak egin ezin ditugun arte luzatzen da.

Orduan, udazkena dator, nahi eta ezin, baina oraindik ahaleginean. Ezin dugunean ahalegin fisikorik egin amaitzen da.

Azken aroa, negua da, ezina gure gorputzaz jabetzen danean hasten da eta hil arte irauten du.

2016/III/28

Ibilian oldoztua,

Reynan idatzia

Gaurko ikasgai bat

Besteen mugak ikusten ditudanean, mugatuak ikusten baditut ere, ez dut kezkatu behar. Soilik nire mugak erakusten ari zaizkit, eta nik ez dut ikasgai hori alferrik galdu behar.

Besteen mugak ez ditudanean gehiago ikusten, nire mugak gainditzen ari naizela erakutsi dit.

Mugak gainditu beharreko zamak dira.

Mugarik gabe hobe!

2016/III/28

Zumardian

Bihotza iparrorratz

 

Iparretik hegora eta hegotik iparrera,  burutik hanketara eta hanketatik burura. Ekialdetik mendebalera eta mendebaldetik ekialdera, ezkerretik eskuinera eta eskuinetik ezkerrera. Dinamika guzti hauek, bide batzuek marrazten dituzte, eta guztiak, bihotzaren erdian bat egiten dute.

2016-III-28

Kalean